د امریکا د بهرنیو چارو وزیر مارکو روبیو اعلان وکړ چې امریکا په بشپړه توګه افغان اتباعو ته د هر ډول ویزو ورکول بند کړي دي.
روبیو په یوه بیان کې ټینګار وکړ: “موږ به هیڅ افغان اتباع ته ویزې ورنکړو.”
دا پریکړه د ټرمپ ادارې د امنیتي پلان بیاکتنې لپاره د کډوالۍ ضد سختې پالیسۍ یوه برخه ده.
د سپینې ماڼۍ په وینا، د ۱۹ “لوړ خطر او اندیښنې وړ” هیوادونو اتباعو ته ورکړل شوي ټول شنه کارتونه به بیاکتنه شي او که اړتیا وي، لغوه به شي.
افغانستان په دې لیست کې د ایران، سوریې، سوډان، لیبیا، یمن او سومالیا په څیر هیوادونو سره یوځای دی.
دې نوي سخت دریځ تر بلې خبرتیا پورې د افغان اتباعو لپاره متحده ایالاتو ته د قانوني کډوالۍ لاره په مؤثره توګه بنده کړې ده.
