په افغانستان کې د ملګرو ملتونو مرستندویه پلاوي (یوناما) د ماشومانو د نړیوالې ورځې په مناسبت (پنجشنبه، د نومبر ۲۰مه، ۲۰۲۵) یو پیغام خپور کړ چې ټینګار یې وکړ چې هر ماشوم باید خپلو اساسي حقونو ته بشپړ لاسرسی ولري، پشمول د ساتنې، تعلیم، روغتیا، امنیت، مناسب تغذیه، لوبې او د خپلو خوبونو تعقیب.
یوناما په پیغام کې زیاته کړه: “په دې ورځ او هره بله ورځ، موږ باور لرو چې هیڅ ماشوم باید له دې حقونو څخه محروم نشي.”
د ملګرو ملتونو ادارې یو ځل بیا په ټولو خواوو غږ وکړ چې د هیواد د ماشومانو لپاره د خوندي، سالم او امید لرونکي راتلونکي ډاډمن کولو لپاره کار وکړي.
