د شانګهای همکارۍ سازمان (SCO) دوه ورځنۍ سرمشریزه په مسکو کې ترسره شوه، چې مشري یې د روسیې صدراعظم میخایل میشوستین کوله، او د غړو هیوادونو، په ځانګړې توګه د پاکستان او هند د چارواکو د ویناوو یوه مهمه برخه د افغانستان وضعیت ته وقف شوه.
د پاکستان مرستیال صدراعظم او د بهرنیو چارو وزیر محمد اسحاق ډار ټینګار وکړ: “په سیمه کې د تلپاتې سولې او امنیت پرته دوامداره اقتصادي پرمختګ ممکن نه دی، او د افغانستان ثبات په ټوله سیمه کې د سولې او امنیت ساتلو لپاره اړین دی.”
د هند د بهرنیو چارو وزیر ایس جی شنکر هم د سازمان د غړو ترمنځ د بشري، کلتوري او اقتصادي همکارۍ اهمیت ته په اشارې سره اعلان وکړ چې د هند بشري مرستې، په شمول د طبي تجهیزاتو او واکسینونو، د وروستیو زلزلو وروسته په چټکۍ سره اغیزمنو سیمو ته رسیدلي دي.
هغه د طبیعي پیښو په وړاندې د مقاومت وړ زیربناوو په جوړولو کې د هند نوښت هم روښانه کړ.
سره له دې چې افغانستان د شانګهای همکارۍ سازمان کې د څارونکي غړي په توګه شتون لري، خو د اسلامي امارت کوم استازی دې غونډې ته نه دی بلل شوی.
