د هیواد د فوټسال ملي لوبډله د شنبې په ورځ (۱۷ لړم ۱۴۰۴) په سعودي عربستان کې د اسلامي پیوستون لوبو په وروستۍ ګروپي لوبه کې له مراکش سره مخ شوه او د ۴-۰ په درنه نمرې سره یې ماتې وخوړه.
د هیواد د فوټسال لوبغاړي، چې په تیرو دوو لوبو کې یې ښه لوبه کړې وه، د قوي مراکش سیال سره مقاومت ونشو کړای.
په تیرو لوبو کې، ملي لوبډلې تاجکستان ته ماتې ورکړې وه او د ایران په وړاندې یې مساوي لوبه وکړه.
دې پایلو لوړو پړاوونو ته د پرمختګ هیلې زیاتې کړې وې، خو د مراکش په وړاندې درنې ماتې په ګروپ کې د ټیم دریځ پیچلی کړ.
د هیواد د فوټسال فدراسیون چارواکو د لوبغاړو د هڅو څخه مننه وکړه او ټینګار یې وکړ چې دا سیالۍ به د ملي ټیم د راتلونکي لپاره یوه ارزښتناکه تجربه وي.
د اسلامي پیوستون لوبې، د اسلامي نړۍ د پیاوړو ټیمونو په شتون سره، د ګډون کوونکو هیوادونو کې د فوټسال کچې د ښه کولو لپاره یو فرصت دی.
