د اسلامي امارت ویاند ذبیح الله مجاهد اعلان وکړ چې د افغانستان او پاکستان د پلاويو ترمنځ غونډه به د یکشنبې په ورځ (۴ لړم ۱۴۰۴) د ترکیې په استانبول کې دوام ولري او د پایلو جزئیات به یې د غونډې له پای ته رسیدو وروسته له رسنیو سره شریک شي.
د دې خبرو اترو لومړی پړاو پرون (شنبه، ۳ لړم) په استانبول کې پیل شو.
دا غونډې د دوحې د غونډې د هوکړو د تعقیب او د دواړو هېوادونو ترمنځ د اختلافاتو د سوله ییز حل لپاره ترسره کیږي.
