په یوه داوطلبۍ غونډه کې چې د سې شنبې په ورځ (۲۲ تله ۱۴۰۴) ترسره شوه، د ولایت له کانونو څخه تازه استخراج شوي ۸،۶۲۸ قیراط زمرد په ۴۷۵،۴۰۰ ډالرو وپلورل شول.
دا غونډه د کانونو د څارنې کمیټې او د قیمتي ډبرو سوداګرو یوې ډلې په شتون کې په شفاف ډول ترسره شوه، او د زمرد ۱۱ بکسونه د داوطلبۍ له لارې وپلورل شول.
د پنجشیر د ولایتي حکومت ویاند سیف الدین لیټون اعلان وکړ چې د پنجشیر د والي محمد آغا حکیم تر لارښوونې لاندې، په ولایت کې شاوخوا ۱۰۰ ځوانان د قیمتي ډبرو سوداګرۍ ته، په ځانګړې توګه د زمرد سوداګرۍ ته مخه کړې ده.
په دې مراسمو کې د پنجشیر نږدې ۷۰ ځوانو سوداګرو او د چکوسلواکیا څخه یو بهرني سوداګر چې “فیلپو” نومیږي، ګډون کړی و، چې په دې برخه کې یې د پانګونې لیوالتیا څرګنده کړه.
ځايي چارواکو ټینګار وکړ چې د پنجشیر د زمردو استخراج او خرڅلاو نه یوازې د اقتصادي ودې سره مرسته کړې او د ځوانانو لپاره یې د کار فرصتونه رامینځته کړي دي، بلکې په هیواد کې د بهرنۍ پانګونې په راجلبولو او د قیمتي ډبرو صنعت په پراختیا کې هم مهم رول لوبولی دی.
