په سوریه کې سیمه ییزو سرچینو راپور ورکړ چې د سې شنبې په سهار (۱۹ وږی ۱۴۰۴)، د صهیونیسټي رژیم جنګي الوتکو یو ځل بیا د هیواد په مرکز کې حمص ولایت په هوایي بریدونو سره په نښه کړ.
د خپرو شویو معلوماتو له مخې، دغو بریدونو د سویلي حمص په شینشار سیمه کې د سوریې د پوځ اړوند د وسلو او مهماتو ډیپوګانې په نښه کړې، چې درنې چاودنې یې رامنځته کړې.
دا بریدونه په داسې حال کې ترسره شوي چې صهیونیسټي رژیم د ۲۰۲۴ کال په دسمبر کې د بشارالاسد د حکومت له نسکوریدو راهیسې د سوریې پر زیربناوو او پوځي اډو خپل بریدونه په چټکۍ سره زیات کړي دي.
په ورته وخت کې، د احمد ګولاني تر کنټرول لاندې د حکومت د بهرنیو چارو وزارت په یوه بیان کې د ملګرو ملتونو د امنیت شورا څخه وغوښتل چې قاطع دریځ ونیسي او د سوریې په خاوره کې د صهیونیسټي رژیم تکراري بریدونه پای ته ورسوي.
وزارت په حمص او لاذقیه کې وروستي بریدونه د سوریې د ملي حاکمیت څخه ښکاره سرغړونه او د هیواد امنیت او ثبات ته ګواښ وباله او دا یې د نړیوال قانون او د ملګرو ملتونو د منشور خلاف وبلله.
د خبرونو پورې اړوند ویډیو د لاندې لینک څخه وګورئ.https://t.me/SafirTelevision1/25375
