افغانستان

په بامیان کې د ترافیکي پېښې له امله دوه کسان مړه او یو ټپي شو

د بامیان ولایت امنیتي چارواکو اعلان وکړ چې د ولایت مرکز ته نږدې د شهیدان او شیبرتو ترمنځ سیمه کې د ترافیکي پېښې له امله دوه کسان مړه او یو بل ټپي شو.

د بامیان د پولیسو د قوماندانۍ ویاند محمد خواني رسا رسنیو ته وویل: پېښه پرون (۱۱ زمرۍ ۱۴۰۴) شاوخوا ۷:۴۰ بجې هغه مهال رامنځته شوه کله چې یو رونیکس موټر له موټرسایکل سره ټکر وکړ.

د پېښې د دقیق لامل له څرګندولو پرته، هغه د سړکونو خرابوالی، د موټر چلوونکو بې احتیاطي او د ترافیکي قوانینو نه مراعات کول د دې ډول پېښو تر شا اصلي عوامل وبلل.

دا پېښه دوه ورځې وروسته له هغه رامنځته شوه چې په بامیان کې په ورته پېښه کې دوه تنکي ځوانان ووژل شول.

اړونده مقالې

نظرونه اضافه کړئ

ستاسو برېښناليک به نه خپريږي. غوښتى ځایونه په نښه شوي *

Back to top button