د افغانستان د بیارغونې لپاره د امریکا ځانګړي مفتش (سیګار) د امریکا کانګرس ته په خپل ۶۸م ربع راپور کې اعلان وکړ چې د اسلامي امارت د واکمنۍ په نږدې څلورو کلونو کې، په افغانستان کې د ښځو او نجونو حقونه په جدي توګه تر پښو لاندې شوي او دوی په عملي توګه د هیواد له عامه ژوند څخه له منځه وړل شوي دي.
دا راپور، چې د پنجشنبې په ورځ (۹ زمرۍ ۱۴۰۴) خپور شو، په هغو پراخو محدودیتونو ټینګار کوي چې اسلامي امارت پر ښځو او نجونو لګولي دي.
د سیګار د راپور له مخې، په افغانستان کې د بشري حقونو ناوړه وضعیت له اقتصادي او بشري بحرانونو سره تړاو لري.
په نړیوالو مرستو کې کمښت په ښځو او نجونو باندې غیر متناسب اغیزه کړې، چې روغتیا، تغذیې او ملاتړ خدماتو ته د دوی لاسرسی محدودوي.
دا راپور د ملګرو ملتونو د بشري حقونو شورا په حواله خبرداری ورکوي چې د دې رجحان دوام به د ښځو زیان منونکي نور هم زیات کړي.
تر اوسه پورې اسلامي امارت د دې راپور په اړه غبرګون نه دی ښودلی، خو تر دې وړاندې د هېواد د سرپرست حکومت چارواکو په وار وار اعلان کړی و چې د ښځو او نجونو حقونه د اسلامي شریعت له مخې تضمین شوي دي.
