د ایران د کورنیو چارو وزیر اسکندر مومني اعلان وکړ چې د ۲۰۲۵ کال په مارچ کې د بې اسنادو کډوالو د ایستلو د پروګرام له پیل راهیسې نږدې ۱ ملیون افغان وګړي له ایران څخه شړل شوي دي.
هغه زیاته کړه چې په ایران کې د ۶ ملیون افغان کډوالو له ډلې څخه، ۲ ملیونه بې اسناده دي او باید له هیواده ووځي.
د ایراني رسنیو د راپورونو له مخې، مومني ټینګار وکړ چې ایران نشي کولی د اقتصادي او امنیتي محدودیتونو له امله د دومره لوی شمیر بې اسنادو کډوالو کوربه توب ته دوام ورکړي.
هغه یادونه وکړه چې شاوخوا ۷۰ سلنه راستانه شوي کډوال (شاوخوا ۵۶۰،۰۰۰) په خپله خوښه افغانستان ته راستانه شوي، مګر د کډوالو د جبري ایستلو ډیری راپورونه شتون لري، حتی ځینې یې د اعتبار وړ اسناد لري.
د کډوالو لپاره د ملګرو ملتونو عالي کمیشنر (UNHCR) او د کډوالۍ نړیوال سازمان (IOM) د افغان کډوالو د ډله ایزې ایستلو د پایلو په اړه خبرداری ورکړی او غوښتنه یې کړې چې دا پروسه په تدریجي او داوطلبانه ډول پلي شي.
د خبرونو اړوند ویډیو د لاندې لینک څخه وګورئ
https://t.me/SafirTelevisio
