د نړیوالو رسنیو د راپورونو له مخې، د فرانسې ولسمشر ایمانویل مکرون په ټولنیز شبکه ایکس کې اعلان وکړ چې فرانسه به په رسمي ډول د ۲۰۲۵ کال په سپتمبر کې د ملګرو ملتونو په عمومي غونډه کې یو خپلواک فلسطیني دولت په رسمیت وپیژني.
په منځني ختیځ کې د عادلانه او تلپاتې سولې لپاره د فرانسې ژمنې باندې ټینګار کولو سره، مکرون د حماس غورځنګ د بې وسلې کولو غوښتنه وکړه او ویې ویل چې دا پریکړه د فلسطین د ادارې د مشر د ژمنو وروسته شوې ده.
هغه مخکې د ۱۴۰۴ کال په پسرلي کې اعلان کړی و چې دا اقدام د ۲۰۲۵ کال په جون کې ممکن دی.
دا پریکړه په داسې حال کې اعلان شوه چې د اسراییلو پارلمان د لویدیځې غاړې د حاکمیت د تحمیلولو پلان تصویب کړی و، او د مکرون اعلان اسراییلي چارواکي په غوسه کړل.
د اسراییلو لومړي وزیر بنیامین نتنیاهو دا عمل “د ترهګرۍ لپاره انعام” او “د اسراییلو د ویجاړولو لپاره یو پلیټ فارم” وباله.
د نتنیاهو د کابینې وزیرانو، پشمول د ګیډون ساعر، اسراییل کاټز، اتمر بین ګیور، او بیزلیل سموتریچ، هم دا پریکړه په کلکه وغندله.
