د افغانستان اسلامي امارت یوه اعلامیه خپره کړه چې د سوریې په خاوره، په ځانګړې توګه د دمشق په ښار او د هیواد په نورو سیمو کې د اسراییلي رژیم وروستي بریدونه په کلکه غندي.
د اسلامي امارت ویاند مولوي ذبیح الله مجاهد دا بریدونه د سوریې د ملي حاکمیت ښکاره سرغړونه او په سیمه کې د بې ثباتۍ او ګډوډۍ خپرولو په موخه یو سیستماتیک جرم وباله.
مجاهد د سیمې له اغیزمنو هیوادونو او نړیوالو ادارو وغوښتل چې د دې یرغلونو لپاره خپل مسؤلیت ترسره کړي او د داسې کړنو د تکرار مخه ونیسي.
هغه د سوریې د حکومت او خلکو د خپلواکۍ او ملي حاکمیت د درناوي پر اړتیا هم ټینګار وکړ.
