د سوریې د رسمي خبري اژانس په وینا، د هیواد ولسمشرۍ د یوې غونډې په ترڅ کې د هیواد نوی ملي نښان پرانست.
په دې نوي نښان کې، د سرو زرو عقاب د پخواني سمبول، باز پر ځای راځي، او درې ستوري یې پورته ځای پر ځای شوي دي.
د سوریې د موقت حکومت ولسمشر احمد الشرع، دا نښان د “یو متحد او نه ویشل کیدونکي سوریې” سمبول په توګه تشریح کړ او د پرانستلو په مراسمو کې یې وویل: “هغه نوی هویت چې موږ یې نن معرفي کوو د سوریې په تاریخ کې یو نوی پړاو منعکس کوي؛ د سرو زرو عقاب ځواک، هوډ، سرعت، دقت او نوښت هڅوي.”
د یادونې وړ ده چې دا مراسم د هیواد د لوړ پوړو چارواکو په شتون کې ترسره شول او نوی نښان د سوریې د ملت د یووالي او پرمختګ د سمبول په توګه معرفي شو.
