ایراني رسنیو د قم ولایت د کړکیچ د مدیریت د مرکزي دفتر د ویاند په حواله راپور ورکړ چې د فردو اټومي ساحې ته نږدې له برید وروسته د هوايي دفاع سیسټم فعال شو؛ هغه دا هم زیاته کړه چې اوس مهال په قم کې بشپړ ارامي حاکمه ده.
په ورته وخت کې، د اصفهان د والي مرستیال امنیتي افسر هم د نطنز او اصفهان اټومي ځایونو ته نږدې د چاودنو د غږونو اورېدو خبر ورکړ او اعلان یې وکړ چې د هوايي دفاع سیسټم هلته فعال شوی دی.
په ورته وخت کې، رویټرز د امریکا د ولسمشر په حواله راپور ورکړ چې د فردو، نطنز او اصفهان اټومي ځایونو برید شوی دی.
امریکايي چارواکي رویټرز ته دا هم وویل چې د ایران پر اټومي ځایونو په بریدونو کې د امریکا B-2 بم غورځونکي کارول شوي دي.
اکسیوس هم د اسراییلي چارواکي په حواله لیکلي: د ټرمپ ادارې پر ایران د امریکا د برید څخه مخکې اسراییلي رژیم ته خبر ورکړی و.
