په کابل کې د ترکیې سفیر سنک اونال د چاپیریال ساتنې ملي ادارې له رییس مطیع الحق خالص سره وکتل.
د ادارې د مطبوعاتي اعلامیې له مخې، ښاغلي خالص له ترکیې څخه وغوښتل چې د COP-30 په غونډه کې د افغانستان د ګډون لپاره کار وکړي.
دواړو خواوو د TCAP د ۲۹مې غونډې د پایلو په اړه هم خبرې وکړې.
د ترکیې سفیر د چاپیریال ساتنې په برخه کې د اسلامي امارت سره د خپل هیواد د همکارۍ ژمنه وکړه او زیاته یې کړه چې د افغانستان غوښتنې به له نړیوالې ټولنې سره شریکې کړي.
ښاغلي خالص په دې غونډه کې دا هم وویل چې د اسلامي امارت واک ته د رسیدو سره، په افغانستان کې د چاپیریال ساتنې په برخه کې د ۸۰۰ ملیون ډالرو په ارزښت پروژې بندې شوې دي او باید بیا پیل شي.
