په یوه ګډه اعلامیه کې، چین او روسیې په افغانستان کې د دوه اړخیزو او څو اړخیزو همکاریو د پراخولو لپاره خپله لیوالتیا څرګنده کړې ترڅو دا هیواد په یوه خپلواک، بې طرفه، له مخدره توکو څخه پاک، متحد او سوله ایز دولت بدل کړي.
دا اعلان مسکو ته د چین د ولسمشر شي جین پینګ له سفر وروسته وشو.
دواړو خواوو د افغانستان د ګاونډیو هېوادونو د بهرنیو چارو وزیرانو د غونډو، د مسکو فارمټ، د چین-روسیې-ایران-پاکستان ډلې او د شانګهای د همکارۍ سازمان رغنده رول د افغانستان د سیاسي حل لارې په پروسه کې مهم ګڼلی دی.
