د سوریې په پالمیرا هوايي ډګر د اسراییلو برید

د الجزیرې خبري شبکې راپور ورکړی چې د اسراییلو پوځ په دې برید کې په پالمیرا کې درې پوځي ځایونه په نښه کړي دي.

سرچینې دا هم راپور ورکړی چې د حمص په څنډه کې د اسراییلو برید د T4 هوایی ډګر، د توغندیو بیټرۍ او د وسلو ډیپو په نښه کړ.

د دې راپور له مخې، په دې برید کې د پالمیرا پوځي هوايي ډګر د څارنې برج هم د اسراییلو لخوا په نښه شو.

د سوریې د دفاع وزارت د امنیتي ځواکونو دوه غړي هم د پالمیرا په هوايي ډګر په برید کې ټپیان شوي دي.

د اسراییلو پوځ دا برید منلی او تایید کړې یې ده چې دوی د سوریې په دوو اډو پالمیرا او ټي فور کې ستراتیژیک پوځي وړتیاوې په نښه کړې دي.

الجزیرې راپور ورکړی چې د اسراییلو جنګي الوتکې د سوریې په مرکزي برخه کې د حمص ښار په څنډه کې د تدمر پر سر الوتنې ته دوام ورکوي.

د خبرونو اړوند ویډیو د لاندې لینک څخه وګورئ.

https://t.me/SafirTelevision1/19329