په قزاقستان کې د هند سفیر اشوک سیجانار وايي، هېواد یې د افغانستان په اقتصادي او د زیربناوو د بیارغونې په هڅو کې د قزاقستان د فعالې ونډې ملاتړ کوي.
په یوه خبرپاڼه کې، د قزاقستان د ستراتیژیکو مطالعاتو مرکز وايي چې سیجانار ټینګار وکړ چې هند د دې فعال ملګرتیا ملاتړ کوي. ځکه نوی ډیلی هم له افغانستان سره د تخنیکی مرستو په برابرولو کې مهم رول لری.
په دې کتنه کې چې د قزاقستان د ستراتیژیکو مطالعاتو د مرکز له خوا جوړه شوې وه، دواړو لورو د افغانستان د ترانزیټ پروژې په پراختیا کې د دواړو هېوادونو د رول پر اړتیا ټینګار وکړ.
