وروسته له هغه چې د غزې تړانګې د راتلونکي لپاره د ټرمپ مبهم پلان وړاندې شو، افراطي صهیونیسټانو د خپلو غوښتنو کچه لوړه کړه او په غزه تړانګه کې یې د مېشت ځایونو د بیا جوړولو غوښتنه وکړه.
د غزې تړانګې د راتلونکي لپاره د امریکا د ولسمشر ډونالډ ټرمپ د پلان له افشا کېدو وروسته، چې “د منځني ختیځ رویرا” په نوم یادیږي، صهیونیسټي افراطیانو څو لاریونونه وکړل چې په غزه تړانګه کې یې د مېشت ځایونو د جوړولو او له سیمې څخه د فلسطینیانو د بشپړ ایستلو غوښتنه کوله.
د بنیامین نتنیاهو د کابینې سیاستوالو او وزیرانو، په شمول د کابینې پخواني وزیر اتمر بین ګیور، شلومو کارای او بیتزال اسموتریچ، هم په لاریون کې برخه اخیستې وه.
د “نخاله” سازمان، چې ځان د صهیونیسټانو غیر انتفاعي سازمان بولي، په عامه توګه په لویدیځه غاړه او غزه کې د میشت ځایونو د پراختیا غوښتنه کوي.
