د افغانستان د برېښنا شرکت (برشنا) اجرایوي رییس عبدالباري عمر وویل چې شرکت یې د کورنیو سرچینو څخه د برېښنا تولید زیاتولو لپاره د ۵۰۵ میګاواټه پروژې ډیزاین کړې دي.
عمر دا موضوع نن (یکشنبه، د سلواغه ٢٨ مه) په کابل کې په یوه خبري کنفرانس کې راپورته کړه، او زیاته یې کړه چې افغانستان د لمریزې او بادي انرژۍ د تولید د اسانتیاوو او مرکزونو د جوړولو لپاره ښه ظرفیت لري.
د افغانستان د برېښنا شرکت مشر وویل چې شرکت یې په تخنیکي پړاوونو کار کوي او په دې برخه کې پانګوال هڅوي.
