- د ګلبهار آریا تولیدي شرکت مسوولین وايي چې هره ورځ لس ټنه سوسیس تولیدوي.
د ګلبهار آریا شرکت مسؤل مدیر محمد یوسف رشیدي وايي، د دوی په تولیدي شرکت کې لس ټنه سوسیس، کلباس، هامبرګر او پیزا پنیر تولیدېږي.
د هغه په وينا، دغه توليدي شرکت په ١٣٩٠ کال کې د څه دپاسه دوه ميليونو ډالرو په پانګونې سره جوړ شوى او اوسمهال په دغه شرکت کې سل تنه په کار بوخت دي.
ښاغلی رشید زیاتوي، چې د دغه شرکت په ورځني تولید کې غوښه، وږي، چرګ، اوړه او کورني مصالحې کارول کېږي او ډېر ژر به د ګلبهار آریا شرکت کې د لبنیاتو د تولید څانګه فعاله شي.
د ګلبهار آريايي شرکت مسوول وايي، چې اوس ټول افغانستان د دوی محصولاتو پوښلی او د ورته توکو د واردولو مخه نيول شوې ده.
