د بهرنيو چارو وزارت د وياند مرستيال ضيا احمد تکل وايي، چې د افغانستان لپاره د چين ځانګړي استازي ياو شياوانګ د دغه وزارت له سرپرست اميرخان متقي سره وکتل.
د ښاغلي ټیکل په وینا، په دې کتنه کې دواړو لورو د افغانستان او چین پر دوه اړخیزو اړیکو، اقتصادي همکاریو او سیمه ییزو چارو خبرې وکړې.
ښاغلی تکل زیاتوي چې د چین ځانګړي استازي په دې کتنه کې د دواړو هېوادونو دوه اړخیزې اړیکې مثبتې و ارزولې او ویې ویل چې هېواد یې د افغانانو ارزښتونو او انتخابونو ته درناوی لري.
ده همداراز وویل چې د چین ځانګړي استازي د بهرنیو چارو له سرپرست وزیر څخه غوښتي چې د افغانستان د ګاونډیو هېوادونو د بهرنیو چارو د وزیرانو په راتلونکې غونډه کې ګډون وکړي.
