مولوي ذبیح الله مجاهد د سه شنبې په ورځ د لړم په ۱۵مه په ایکس کې یوه مقاله خپره کړې او ویلي یې دي چې د دغه حکم پر بنسټ د پروان ولایت پخوانی مرستیال مفتي محمد ادریس انوري د دغه ولایت د والي په توګه، مولوي محمد ابوالفضل عثماني د پروان ولایت د مرستیال په توګه، د پروان پخوانی والي مولوي قدرت الله امیني د کورنیو چارو وزارت د امنیتي سلاکار په توګه ټاکل شوی دی.
دغه راز د سرپل ولایت پخوانی مرستیال مولوي محمد نادر حقجو د تخار ولایت د مرستیال په توګه، د تخار ولایت پخوانی مرستیال ملا خان محمد حقاني د سرپل ولایت مرستیال، د بامیان ولایت د استخباراتو پخوانی رئیس مولوي نیک محمد حذیفه د غور ولایت د مرستیال په توګه ټاکل شوي دي. مولوي محمدالله باري د پکتيکا ولايت د امنيه قوماندان په توګه او دغه راز د پکتيکا ولايت پخوانى امنيه قوماندان شيخ محمد شريف حليم د ننګرهار ولايت د پوهنې د رييس په توګه ټاکل شوى دى.
باید وویل شي، چې تر دې وړاندې هم په یو شمېر وزارتونو او دولتي ادارو کې نوي بدلونونه راغلي وو.
