د بلخ ولايت د امنيې قوماندانۍ مطبوعاتي دفتر د چهارشنبې په شپه (د لرم دويمه) په يوه خبرپاڼه کې ويلي، چې د حيرتان او مزارشريف ترمنځ پر لاره د يوې ترافيکي پېښې له امله درې تنه وژل شوي دي.
خبرپاڼه همداراز زیاتوي، چې دغه پېښه د فیلډر ډوله موټر او د تېلو د ټانکر د ټکر له امله رامنځته شوې او په کې د فیلډر ډوله موټر ټول سپاره کسان وژل شوي دي.
چارواکي د دې پېښې لامل د موټر چلوونکو بې احتیاطي بولي او وايي، چې د وژل شویو کسانو جسدونه او د تېلو ټانکر د دغه ولایت د پېښو پر وړاندې د مبارزې ریاست ته لېږدول شوي دي.
