د لبنان د حزب الله غورځنګ نن دوشنبه (د زمری ۱۵) په خپله دویمه اعلاميه کې اعلان وکړ چې د فلسطينی ولس په ملاتړ يې د اسراييلو «المالکيه» پوځي اډه د بې پيلوټه الوتکې په واسطه په نښه کړه.
د لبنان مقاومت څرګنده کړه چې دغه بې پیلوټه الوتکې د فلسطین په شمال کی په ټاکل شوی هدف وویشتله.
د دې بیان له خپرېدو څو دقیقی وروسته د اسرائیلی پوځ ویاند د مالکی په اډه کې چاودنه تایید کړه.
اسرائیلي رسنیو په دغه برید کې دغې اډې ته د اوښتي زیان او احتمالی مرګ ژوبلې په اړه څه نه دي ویلي.
نن سهار حزب الله هم اعلان وکړ چې د ځانمرګو بې پیلوته الوتکو په یوه سکادرانی سره یې د «ایلت » په اډه کې د اسرائیلي پوځ د ۹۱ فرقې د قوماندې مرکز په نښه کړ.
د لبنان مقاومت د بې پيلوټه الوتکو په نښه کولو ته په اشارې سره خبر ورکړ چې په دې بريد کې يو شمېر اسرائيلي پوځيان وژل شوي او يو شمېر نور ټپيان شوي دي.
