د ترکیی ولسمشر رجب طیب اردوغان د ناتو په غونډه کې ادعا وکړه چې هېواد به یې له اسرائیلی رژیم سره د دغه اتحاد همکاری ونه زغمي.
د ترکیی ولسمشر چې په واشنگتن کې یې د ناتو د غونډې په څنډه کې په یوه خبری کنفرانس کې ګډون کړی و، هم ټینګار وکړ چې اسراییل په غزه کې د فلسطینیانو په قتل عام بوخت دی.
نوموړی د خپلو خبرو په یوه بله برخه کې د روسیی او اوکراین د جګړې په اړه خبرې وکړې او ویې ویل چې انقری په اوکراین کې د جګړې د پای ته رسولو لپاره ډېر ګامونه پورته کړي دي.
څو ساعته مخکې نیوزویک خبر ورکړی و چې اردوغان د ناتو په غونډه کې د اوکراین او غزې په اړه د لویدیځ پر سیاستونو نیوکې وکړې.
د اردوغان دا نیوکې په داسې حال کې کیږي چې د امریکا ولسمشر جوبایدن د اوکراین د جګړې لپاره د نړیوال ملاتړ د ترلاسه کولو هڅې کوي او همدا راز د غزې په جګړه کې د اسراییلو د ملاتړ لپاره د هغه د انتقادونو د کمولو هڅې کوي.
نیوزویک هم راپور ورکړی چې د ترکیی ولسمشر ویلي چې لویدیځ قدرتونه په دواړو شخړو کې خطرناک سیاستونه غوره کوي او خبرداری یې ورکړ چې دا دواړه شخړې به په لویو سیمه ییزو شخړو بدلې شي.
