د فارياب ولايت سيمه ئيز مسوولين وايي: ددغه ولايت په بيلابيلو سيمو کې دسيلابونو د راوتلو له امله ددغه ولايت اوسيدونکو ته زيات مالي زيانونه اوښتي دي .
د فاریاب ولایت ویاند عصمت الله مرادی وايي، د دغه ولایت په بلچراغ، پشتون کوت، خیبر، المار او قیصار ولسوالیو کې د سېلابونو له امله ۱۸ تنه مړه او دوه نور ټپیان شوي دي.
د مرادی په وينا، په دې طبيعي پېښه کې څه دپاسه زر جريبه کرنيزه ځمکه، له زرو څخه زيات د استوګنې کورونه، ١٥٠ دوکانونه او يو ګرځنده روغتيايي کلينيک ويجاړ شوى دى.
مرادی زیاته کړه چې د دغو حیرانوونکو سیلابونو په پایله کې د ۳۰۰ څارویو سرونه هم له منځه تللي دي.
د هغه په وينا، د دغه ولايت رهبري پلاوي په بېړنۍ ناسته کې د سکتوری ادارو رئيسانو او د مرستندويه ادارو استازو ته لارښوونه وکړه، چې له سېلاب ځپلو سره مرستې او مرستې وکړي او په زيانمنو شويو کورنيو بېړنۍ مرستې ووېشل شي.
