د مخابراتو وزیر د چین له سفیر سره په لیدنه کې: له چین څخه افغانستان ته د نوری فایبر کیبل د انتقال په اړه بحث وشو

د مخابراتو او معلوماتی تکنالوجۍ وزیر مولوی نجیب الله حیات حقانی نن په کابل کې د چین له سفیر ژاو شینگ سره په لیدنه کې وویل چې افغانستان د خپل جغرافیوی موقعیت له امله د اسیا د هېوادونو د نښلولو په مرکز بدلېدلی شي.

ښاغلي حقانی زیاته کړه، که چین وکولای شي د بدخشان واخان ته د نوری فایبر کیبل وغځوي؛ افغانستان به ډېر ژر دغه کیبل خپلو سرحدس سیمو ته وغځوي او په دې اقدام سره به چین وکولای شي له اسیايي هېوادونو سره د اوږدو لارو پر ځای د لنډو لارو له لارې اړیکې ونیسي.

له بلې خوا د چین سفیر په دې کتنه کې وویل چې هېواد یې لېوال دی چې د افغانستان تر پولې واخان پورې نوری فایبر کیبل وغځوي او دوی به په دې برخه کې له چینايی متخصصینو او کارپوهانو سره خبرې وکړي.