د اسراييلو لومړب وزير بنيامين نتنياهو ويلي، چې دغه هېواد ته د وسلو د لېږد د بندولو په اړه د امريکا د ولسمشر جوبايدن د څرګندونو په غبرګون کې اسراييل له ځانه دفاع کولای شي.
تر دې مخکې جوبایدن اسرائیلو ته خبرداری ورکړی و چې پر رفح د پراخ برید په صورت کې به امریکا دغه هېواد ته د وسلو استول بند کړي.
په همدې حال کې د اسرائیلو د پوځ ویاند ویلي دي چې د غزی د جګړې له پیل راهیسې موږ له امریکا څخه بې ساري مرستې ترلاسه کړي او په رفح باندې د برید لپاره کافي مهمات لرو.
