د هېواد په بېلابېلو ولایتونو کې وروستیو سختو بارانونو او سېلابونو زرګونه کسان وژلي او بې ځایه کړي، د ملگرو ملتونو د بشري مرستو د همغږۍ دفتر ( اوچا) اعلان کړی چې دغو بارانونو لس زره هکتاره کرنیزه ځمکه هم زیانمنه کړې ده.
د ملگرو ملتونو د بشري چارو د همغږۍ دفتر ( اوچا) په خپل نوي یو میاشتني راپور کې ویلي چې په تېره میاشت (اپریل ۲۰۲۴) کې سختو بارانونو او سېلابونو په افغانستان کې کرنیز فصلونه زیانمن کړي دي.
د دغه راپور پر بنسټ، په تېره يوه مياشت کې د هېواد په ختيځو او سوېل ختيځو سيمو کې شاوخوا لس زره هکتاره کرنيزه ځمکه د سختو اورښتونو او سېلابونو له امله زيانمنه شوې ده.
