په بلخ ولایت کې د وریجو یو شمېر بزګرانو د کیمیاوي سرې د لوړېدو او د ټراکټورونو د لوړ لګښتونو په اړه اندیښنه څرګنده کړې او له حکومت او اړوندو ادارو څخه یې د لا زیاتو مرستو غوښتنه کړې ده.
دا بزګران وايي چې د تولید لګښتونو زیاتوالي د وریجو د کښت او حاصلاتو پروسې ته جدي ننګونې رامینځته کړې او د دوی عاید یې منفي اغیزه کړې ده.
د وریجو بزګران له حکومت او ملاتړ کونکو ادارو څخه غوښتنه کوي چې د کرنیزو لګښتونو کمولو او د کورنیو تولیداتو ملاتړ لپاره اړینې اسانتیاوې او مرستې چمتو کړي.
په ورته وخت کې، د بلخ سیمه ییز چارواکي وايي چې د بزګرانو د ستونزو د حل او د کرنې سکتور د وضعیت د ښه والي لپاره هڅې روانې دي.
کرنه د بلخ ولایت یو له مهمو اقتصادي سکتورونو څخه دی، او ډیری کورنۍ د کرنیزو محصولاتو، په ځانګړې توګه د وریجو د کښت له لارې خپل عاید ترلاسه کوي.
