د امریکا د بهرنیو چارو وزارت وايی، له اسلامي امارت سره د خپلو ملي ګټو د ساتنې په موخه خبرې کوي.
د دغه وزارت د ویاند مرستیال ودانت پاتل په یوه خبري غونډه کې وویل چې د افغانانو او د امریکا د ملي ګټو د ملاتړ لپاره دا ډول خبرې اترې اړینې دي.
هغه زیاته کړه، دغه تعامل دا فرصت هم برابروي چې د دغه هېواد له سرپرست حکومت سره په افغانستان کې د بندیانو د خلاصون په اړه مستقیمی خبرې وکړي.
پاتل ټینګار وکړ چې دوی له دې فرصت څخه د ترهگرۍ او د بشري حقونو اړوند مسلو په وړاندې مبارزه کې کاروي.
