د افغانستان د اسلامي امارت د بهرنیو چارو وزارت ویاند عبدالقهار بلخي په خپل ایکس پاڼه کې د نوي ډیلي په سره کلا سیاحتي سیمه کې د پرون ماښام چاودنه په کلکه غندي، چې لږترلږه ۸ کسان پکې ووژل شول او ۲۴ نور ټپیان شول.
بلخي د دې خونړۍ پیښې د قربانیانو کورنیو او د هند حکومت سره خواخوږي څرګنده کړه او دا یې پر بې ګناه ملکي وګړو برید وباله.
اسلامي امارت ټینګار کړی چې د نړۍ په هر ځای کې دا ډول ترهګریز عملونه غندي او په دې غمجنه پیښه کې د هند له خلکو او حکومت سره پیوستون څرګندوي.
