په لوګر ولایت کې د عینک د مسو قراردادي شرکت اعلان وکړ چې سږ کال د کان څخه د عملي کان کیندنې د کار پیل کولو هڅې یوې نوې مرحلې ته رسیدلي دي.
د چین د MCC د چارواکو په وینا، تر اوسه پورې په دې پروژه کې له ۴۳۱.۷۹۳ ملیون ډالرو څخه ډیرې پانګونې شوي دي، خو د امنیت نشتوالی، د لرغونو ځایونو شتون، ځمکني ماینونه او د زیربناوو نشتوالي د پروژې پلي کول ځنډولي دي.
“دا لویه پانګونه د عینک د مسو د پروژې د پراختیا لپاره زموږ اوږدمهاله ژمنتیا ښیي؛ د MCC استازي ډینګ ګوپینګ وویل که چیرې له حکومت سره خبرې اترې ښې ترسره شي، موږ چمتو یو چې سږ کال ساختماني چارې پیل کړو،”.
هغه زیاته کړه چې د کان کیندنې په ټیکنالوژیو کې د بدلونونو له امله د پروژې ټول لګښت له ۲.۸ ملیارد ډالرو څخه ۵ ملیارد ډالرو ته لوړ شوی دی.
اوس مهال، ۴۰۰ افغان کارګران په دې پروژه کې کار کوي، او تمه کیږي چې د کان کیندنې له پیل وروسته به شاوخوا ۴۰۰۰ دندې رامینځته شي.
کان ته تلونکې لاره هم د بشپړېدو په حال کې ده، او د باغ دره د اوبو برېښنا پروژې له لارې د برېښنا رسولو کار روان دی.
