د احصایې او معلوماتو ملي ادارې په ایران کې د میشتو افغان کډوالو د هویت د تثبیت لپاره د یوې غونډې د جوړولو اعلان کړی دی.
د دې ادارې د نفوسو د ثبت مرستیال محمد نبي نصرت د یوه پلاوي په ملتیا د بهرنیو چارو وزارت، د کډوالو او راستنیدونکو چارو وزارت او د مالیې وزارت له استازو سره په ایران کې د افغان کډوالو د هویت د تثبیت لپاره د کاري ټیمونو د لیږلو په اړه وکتل.
په دې غونډه کې، ښاغلي نصرت د افغان کډوالو د هویت د تثبیت او د نفوسو د ثبتولو پورې اړوند خدماتو وړاندې کول د دې ادارې له لومړیتوبونو څخه وبلل او زیاته یې کړه چې د کاري ټیمونو د لیږلو لپاره اړین کار بشپړ شوی او دا ټیمونه به ډیر ژر ایران ته واستول شي.
