د زمبابوې پر وړاندې د هېواد د کرکټ د ملي لوبډلې پنځوس اوریزه لوبه د زمبابوې په هرارې ښار کې د باران له امله وځنډېده.
تر اوسه د باران له امله په دې لوبه کې لاټ نه دی اچول شوی څو معلومه شي چې کومه لوبډله به لومړی توپ وهنه کوي.
ټاکل شوې وه دا لوبه نن سه شنبه (د لیندۍ ۲۷ مه) د کابل پر وخت د غرمې په ۱۲ بجو پیل شي او د زمبابوې پر وړاندې په یو ورځنیو لوبو کې د هېواد د کرکټ ملي لوبډلې کپتان حشمت الله شهیدي دی.
باید وویل شي، چې دغه لوبې د زیمبابوې په پلازمېنه هرارې ښار کې ترسره کېږي.
