سید کریم هاشمی، رییس اتاق تجارت و سرمایهگذاری افغانستان، در دیدار آنلاین با فرهاد شاه رحمان علیزاده، رییس اتاق تجارت و صنایع تاجیکستان، درباره گسترش روابط تجارتی، سرمایهگذاری و همکاری میان سکتور خصوصی دو کشور گفتوگو کرد.
دو طرف بر افزایش مبادلات تجارتی، ایجاد ارتباط مستقیم میان تاجران و سرمایهگذاران و برگزاری برنامههای مشترک اقتصادی تأکید کردند.
رییس اتاق تجارت و سرمایهگذاری افغانستان از تاجران و سرمایهگذاران تاجیکستان برای اشتراک در پنجمین نمایشگاه بینالمللی امام ابوحنیفه (رح) در کابل دعوت کرد.
در مقابل، رییس اتاق تجارت و صنایع تاجیکستان نیز هیئت افغانستان را برای اشتراک در نمایشگاه بزرگ تجارتی و صنعتی تاجیکستان در شهر دوشنبه دعوت کرد.
دو طرف همچنین بر تبادل هیئتهای تجارتی و تقویت همکاریهای پایدار میان سکتور خصوصی افغانستان و تاجیکستان تأکید کردند.
