د ایکس ټولنیزې شبکې مالک، ایلان ماسک، د یوې نوې ځانګړتیا خبر ورکړی چې له مخې به یې کاروونکي وکولای شي د لایک تڼۍ په نیولو سره د پوسټ لیکوال ته یو ډالر ولېږي. ویل شوي چې دا مالي راکړه ورکړه به د دې پلاتفورم د ځانګړو مالي خدمتونو له لارې ترسره شي.
دغه ځانګړتیا د ایکس د بدلونونو د هڅو یوه برخه بلل شوې، څو دا شبکه په یوه داسې پلاتفورم بدله شي چې د ټولنیزو شبکو او مالي خدمتونو په ګډون بېلابېل خدمات وړاندې کړي؛ خو تر اوسه د دې ځانګړتیا د عامې کارونې د پیل نېټه نه ده اعلان شوي.
