د یمن رسمي خبري اژانس (سبا) راپور ورکړی چې د سعودي عربستان د جنګي الوتکو په درېیو هوايي بریدونو کې، چې د تعز ولایت د المعافر ولسوالۍ په النشمه سیمه کې ترسره شوي، یو ملکي وګړی وژل شوی او څلور نور ټپیان شوي دي، چې یوه مور او درې ماشومان هم پکې شامل دي.
د یمن د عامې روغتیا وزارت هم اعلان کړی چې د تعز ولایت په الکدحه ساحلي سیمه کې د سعودي جنګي الوتکو د کب نیونکو پر کښتیو په هوايي برید کې اته کب نیونکي وژل شوي دي. د دغو راپورونو له مخې، په دواړو پېښو کې د وژل شویو کسانو شمېر نهو ته رسېدلی دی.
دا پېښې په داسې حال کې راپور شوې دي چې د تعز ولایت په وروستیو اوونیو کې د یمن د وسلهوالو ځواکونو او د سعودي عربستان د ملاتړو ځواکونو ترمنځ نښتې زیاتې شوې دي.
