د اکسيوس خبري وېبپاڼې راپور ورکړی چې د امریکا د جګړې وزیر، پیټ هېګسېت، د دوشنبې په ورځ اشغال شوې فلسطین ته په یوه نااعلان شوي سفر تللی او د اسرائیلو د رژیم له لومړي وزیر، بنیامین نتانیاهو، سره یې لیدلي او خبرې کړې دي.
اکسيوس د دوو باخبره سرچینو په حواله لیکلي چې دا لیدنه په داسې حال کې شوې چې د اسرائیلو تر عمومي ټاکنو یوازې اته ورځې پاتې دي او واشنګټن او تلابیب د ایران پر وړاندې د پراخو بریدونو د بیا پیلولو د احتمال په اړه خبرې کوي.
د اسرائیلو ۱۳مې ټلوېزیوني شبکې هم راپور ورکړی چې د هېګسېت او نتانیاهو لیدنه شاوخوا دوه ساعته اوږده شوې ده.
د امریکا د جګړې وزارت، په واشنګټن کې د اسرائیلو سفارت او د اسرائیلو د لومړي وزیر دفتر د دې سفر په اړه د څرګندونو لپاره غوښتنو ته ځواب نه دی ویلی.
