د ملګرو ملتونو د ښځو څانګې د اجرائیوي مرستیالې، نیارادزای ګومبونزوانډا، ویلي چې په منځني ختیځ کې د جګړو د پراخېدو له امله ښايي د ۲۰۲۶ زېږدیز کال تر پایه په ۲۸ هېوادونو کې ۱۱.۷ میلیونه نورې ښځې او نجونې، چې افغانستان هم پکې شامل دی، د خوړو له ناامنۍ سره مخ شي.
د ملګرو ملتونو د ښځو څانګې د یوې نوې شننې له مخې، په افغانستان کې ښځې او نجونې د هغو کسانو ۶۰ سلنه جوړوي چې ښايي د خوړو له ناامنۍ سره مخ شي.
دغه بنسټ همداراز ویلي چې په افغانستان کې شاوخوا ۹۵ سلنه ښځې د کار له بازاره بهر دي او تر ۸۰ سلنې زیاتې کارکوونکې ښځې هم په زیانمنو دندو کې بوختې دي.
