هوايي انځورونه په هغو مراسمو کې د خلکو پراخ ګډون ښيي چې د حزبالله غورځنګ له لوري د شهید سید حسن نصرالله په مزار کې، د هغه، سید هاشم صفیالدین او د هغوی د یو شمېر ملګرو د شهادت د دویم تلین په مناسبت، د «موږ پر خپل عهد ولاړ یو» تر شعار لاندې جوړ شوي وو.
د لبناني رسنیو له لوري په خپرو شویو انځورونو کې ښکاري چې د مزار انګړ، میدانونه او شاوخوا سړکونه له ګډونوالو ډک وو او لسګونو زرو کسانو د دې مناسبت د درناوي او د دغو دوو شهیدو مشرانو سره د خپلې وفادارۍ د بیا تازه کولو لپاره په مراسمو کې ګډون کړی و.
په دغو مراسمو کې یو شمېر سیاسي شخصیتونو، دیني عالمانو او ډیپلوماتیکو استازو، همدارنګه د عربي او اسلامي هېوادونو پلاوو ګډون کړی و. ګډونوالو د لبنان بیرغ، د مقاومت بیرغونه او د لبنان د شهیدو مشرانو انځورونه له ځان سره لېږدول.
له دې مراسمو سره هممهاله، د سید هاشم صفیالدین په مزار کې، د دیر قانون النهر په سیمه کې، او د حزبالله د پخوانیو مشرانو له ډلې د سید عباس موسوي په مقام کې، په نبي شیت کې ورته مراسم هم ترسره شول.
د خبر اړوند ویډیو له لاندې لینک څخه وګورئ.
