د سعودي عربستان د بهرنیو چارو وزارت اعلان کړی چې د «ختیځ ـ لویدیځ» د تېلو لېږد نللیکه د ریاض او مدینې په سیمو کې د څو بېپیلوټه الوتکو د بریدونو له امله، چې له عراق څخه ترسره شوي، په نښه شوې ده.
د سعودي عربستان د انرژۍ وزارت په وینا، دغه نللیکه د احتیاطي اقدام په توګه تړل شوې او د بریدونو له امله څو کسان ټپیان شوي چې تر روغتیايي څارنې لاندې دي؛ د مرستې او تخنیکي ټیمونه هم د اوښتو زیانونو او د تأسیساتو د وضعیت د ارزونې په حال کې دي.
سعودي عربستان ټینګار کړی چې د خپل حاکمیت، امنیت او تأسیساتو د ساتنې لپاره د ټولو اړینو اقداماتو د ترسره کولو حق له ځان سره خوندي ساتي.
په همدې حال کې، د عراق حکومت پر سعودي عربستان بریدونه غندلي او ټینګار یې کړی چې د هر هغه اقدام مخالف دی چې د دغه هېواد امنیت له ګواښ سره مخ کړي.
