د پاکستان د کورنیو چارو وزیر محسن نقوي اعلان کړی چې د هیواد اوسنی حکومتدارۍ سیستم “نړېدلی” دی او نور د ملي ننګونو سره د مقابلې توان نلري؛ هغه د پراخو اداري اصلاحاتو او د نویو اداري څانګو د جوړولو غوښتنه وکړه.
نقوي په اسلام آباد کې په یوه اقتصادي غونډه کې وویل چې د پاکستان ستونزې د اوسني جوړښت سره نشي حل کیدی او خبرداری یې ورکړ چې که وضعیت همداسې دوام وکړي، نو هیواد به په راتلونکو لسو کلونو کې هم له ورته ننګونو سره مخ شي.
د پاکستان د کورنیو چارو وزیر ټینګار وکړ چې د حکومتدارۍ د ښه کولو لپاره، ځینې وړتیاوې باید ټیټو کچو ته ولیږدول شي او نوي اداري څانګې باید د ولایتونو یا ورته جوړښتونو په بڼه رامینځته شي.
#پاکستان #محسن_نقوي #حکومتداري #اداري_اصلاحات #سفیر_ټی وی
