د ایران د اسلامي انقلاب ساتونکو قول اردو اعلان وکړ چې د ایران په یو شمیر سیمو باندې د امریکا د وروستیو هوايي بریدونو په ځواب کې یې د امریکا د پوځي اهدافو پر وړاندې ګډ توغندیز او ډرون عملیات ترسره کړي دي.
د ایران د تسنیم خبري اژانس په وینا، په دې عملیاتو کې ۸۵ امریکایي پوځي تاسیسات په نښه شوي، چې په کې د بحرین په بندر سلمان، د دغه هیواد د سمندري ځواکونو اډه او په کویت کې د علي السالم هوايي اډه شامل دي.
سپاه پاسداران انقلاب اسلامي هم ادعا وکړه چې یوه امریکایي بې پیلوټه الوتکه یې ویشتلې ده چې هڅه یې کوله په عملیاتو کې مداخله وکړي.
بریدونه وروسته له هغه وشول چې امریکا اعلان وکړ چې د ایران په هرمزګان او ماهشهر ساحلونو کې یې د خپلو یو شمیر ساحلي اډو او تاسیساتو په نښه کړي دي.
#ایران #IRGC #امریکا #بحرین #کویت #منځنی ختیځ
