د غور ولایت د پولیسو قوماندانۍ اعلان وکړ چې د غور-هرات په لویه لاره کې د مسافر وړونکي موټر د چپه کېدو له امله اته کسان ټپیان شوي دي.
دا پېښه د “صلاح خانې” کوتل په سیمه کې رامنځته شوې ده.
امنیتي ځواکونو ټپیان د “درې تخت” روغتیايي مرکز ته لیږدولي دي.
د پولیسو د قوماندانۍ په وینا، د پیښې اصلي لامل د سړک خرابوالی و.
د سړک خرابوالی او د ځینو موټر چلوونکو بې احتیاطي په دې ولایت کې د پرله پسې ترافیکي پیښو لامل کیږي.
