د فرانسې ولسمشر ایمانویل مکرون اعلان وکړ چې هغه د ایران له ولسمشر مسعود پیزیکیان سره خبرې کړې دي.
مکرون وویل: “ما په سیمه کې د هیوادونو په وړاندې د نه منلو وړ بریدونو پای ته رسولو، د انرژۍ او ملکي زیربناوو د ساتنې او د هرمز تنګي کې د تګ راتګ د آزادۍ د بیارغونې په مطلق اړتیا ټینګار وکړ.”
هغه زیاته کړه: “ما له ایران څخه وغوښتل چې په ښه نیت سره په خبرو اترو کې برخه واخلي ترڅو د کړکیچونو کمولو لپاره لاره هواره کړي او یو چوکاټ چمتو کړي چې د ایران د اټومي او توغندیو پروګرامونو او د هغې د بې ثباته سیمه ایزو فعالیتونو په اړه د نړیوالې ټولنې تمې پوره کړي.”
مکرون په پای کې له ایران څخه وغوښتل چې ژر تر ژره فرانسې ته د دوو فرانسوي اتباعو، سیسیل کوهلر او جیکس پیرس، بیرته راستنیدو ته لاره هواره کړي.
دا غوښتنې په داسې حال کې شوې چې مکرون د ایران په وړاندې د امریکا او صهیونیسټ رژیم د جرمي یرغلونو په اړه هیڅ غندنه نه ده کړې.
