د عراق اسلامي مقاومت په یوه رسمي اعلامیه کې اعلان وکړ چې د دې ډلې جنګیالیو د لویدیځ عراق په اسمان کې د امریکایی اشغالګرو ځواکونو پورې اړوند د KC-135 ستراتیژیکې ټانکر الوتکې په نیولو او نسکورولو کې بریالي شول.
په اعلامیه کې ټینګار شوی چې عملیات د “مناسبو وسلو” په کارولو سره ترسره شوي او په پایله کې یې الوتکه په بشپړه توګه نسکوره شوې.
دا عمل د ایران په وړاندې د صهیونیسټ رژیم د یرغل او په سیمه کې د امریکا د نظامي شتون لپاره د امریکا د دوامداره ملاتړ په ځواب کې بیان شوی، او د امریکا د اډو او شتمنیو په وړاندې د مقاومت د عملیاتو شدت په ګوته کوي.
