د خوړو او کرنې سازمان: په افغانستان کې له ۱.۷ ملیون څخه زیاتې بزګرې کورنۍ بیړنۍ مرستې ته اړتیا لري

د ملګرو ملتونو د خوړو او کرنې سازمان (FAO) په یوه راپور کې اعلان وکړ چې په افغانستان کې له ۱.۷ ملیون څخه زیاتې بزګرې کورنۍ بیړنۍ مرستې ته اړتیا لري.

سازمان ټینګار وکړ چې له ګاونډیو هیوادونو څخه راستنیدونکي په ځانګړي ډول زیان منونکي دي او په کرنیزو فعالیتونو کې د دوی د ګډون کچه د پام وړ کمه شوې ده.

د خوړو او کرنې سازمان خبرداری ورکړ چې د بیړني ملاتړ پرته، د زرګونو کورنیو د خوړو خوندیتوب له جدي خطر سره مخ دی او دا وضعیت کولی شي په هیواد کې د خوړو پراخ بحران رامینځته کړي.

دا راپور په داسې وخت کې خپور شو چې د افغان کډوالو په لویه کچه راستنیدل او د اقلیم بدلون او د کرنې سکتور باندې د ناامنۍ اغیزو جدي ننګونې رامینځته کړې دي.