د بخښنې نړیوال سازمان د سویلي آسیا دفتر یوه اعلامیه خپره کړې چې په ننګرهار او پکتیکا ولایتونو کې د پاکستاني وروستیو هوایي بریدونو وروسته د ملکي وګړو د مرګ ژوبلې په اړه ژوره اندیښنه څرګندوي.
د بشري حقونو سازمان ټینګار وکړ چې دا پیښه باید په شفاف، خپلواک او بې طرفه ډول وڅېړل شي ترڅو مسؤلیت وټاکي او د قربانیانو لپاره عدالت تامین شي.
د بخښنې نړیوال سازمان په دواړو خواوو (پاکستان او افغانستان) غږ وکړ چې د ملکي وګړو د زیان مخه ونیسي او د نړیوال بشري قانون له مخې د خپلو مکلفیتونو سره سم په جګړه کې د ملکي وګړو د ساتنې اصولو ته غاړه کیږدي.
دا بیان په داسې حال کې خپور شو چې لومړني راپورونه ښیي چې د استوګنې سیمو او یوې دیني مدرسې په بمبارۍ کې لسګونه ملکي وګړي، چې ښځې او ماشومان هم پکې شامل دي، وژل شوي او ټپیان شوي دي.
